ഏപ്രിൽ 7 ലോക ആരോഗ്യ ദിനം

ഷബില കെ
അദ്ധ്യാപിക
ഇന്ന് ഏപ്രിൽ 7 ലോക ആരോഗ്യ ദിനം. 1948 ഈ ദിനത്തിലാണ് ലോക ആരോഗ്യ സംഘടന സ്ഥാപിക്കപ്പെടുന്നത്. ഈ വർഷം ആരോഗ്യത്തിനും  ആരോഗ്യ പരിചരണത്തിനും ലോകം മുഴുവൻ വലിയ ശ്രദ്ധ ലഭിക്കുന്ന ഒരു സമയത്താണ് ഈ വ‍ർഷത്തെ ലോക ആരോഗ്യ ദിനം കടന്ന് പോകുന്നത്.

മുൻപൊരിക്കലും അനുഭവപ്പെടാത്ത ഒരു തരം വിറങ്ങലിച്ച അവസ്ഥയിലാണ് നമ്മുടെ ചുറ്റുപാട്. ലോകത്താകമാനം വ്യാപിച്ചതും ഇനിയും തടഞ്ഞു നിർത്താൻ സാധിക്കാത്തതുമയ കോവിസ് - 19 മഹാമാരിയുടെ ഇരുണ്ട കാലഘട്ടത്തിലാണ് നാം. ആരോഗ്യ പ്രവർത്തകരുടെ മഹനീയ സേവനം സ‍ർവ്വ മനുഷ്യരും ഒരേ സമയം അനുഭവിച്ചു കൊണ്ടിരിക്കുന്ന കാലം. ഏറ്റവും അപകടകരമായ സാഹചര്യത്തിൽ ജോലി ചെയ്യുന്നവരാണ് അവർ. ഈ ദിനം ആരോഗ്യ പ്രവർത്തകർക്കുള്ള ഐക്യദാർഢ്യം സൂചിപ്പിക്കാൻ നമുക്കുപയോഗിക്കാം.